ሕገወጥ የነዳጅ ግብይት በአንዳንድ የሀገሪቱ አካባቢዎች በሊትር እስከ 500 ብር እየተሸጠ ነው
Posted on 2026-03-11 06:55:50
አዲስ አበባ፡- በኢትዮጵያ የነዳጅ እጥረት በተለያዩ የሀገሪቱ ክፍሎች እየተባባሰ ሲሆን፣ ከዚህ ጋር ተያይዞ ሕገወጥ የነዳጅ ግብይት በስፋት መስፋፋቱ ተገልጿል።
በአንዳንድ አካባቢዎችም ነዳጅ በሊትር እስከ 500 ብር ድረስ በሕገወጥ መንገድ እየተሸጠ መሆኑ ተነግሯል።
የነዳጅ አቅርቦት መቀነስ በአገሪቱ አንዳንድ ክልሎች በተስፋፋው የፀጥታ ችግርና የትራንስፖርት መስተጓጎል ምክንያት እንደተባባሰ ምንጮች ገልጸዋል። ይህም ወትሮም የሚታየውን የነዳጅ እጥረት የበለጠ እንዲጨምር አድርጎታል።
በተጨማሪም በመካከለኛው ምስራቅ በተከሰተው ጦርነት የዓለም የነዳጅ ገበያ መዋቅር ተናውጦ ዋጋ እንዲጨምር እያደረገ መሆኑ ተጠቅሟል። ይህም በአገሪቱ ውስጥ ያለውን አቅርቦት በተጨማሪ ማባባስ እንደቻለ ተገልጿል።
በአንዳንድ ከተሞች በነዳጅ ማደያዎች ረጅም ሰልፎች እየታዩ ሲሆን፣ ይህንን ሁኔታ ተጠቅመው አንዳንድ ሕገወጥ ነጋዴዎች ነዳጅን ከማደያዎች በመግዛት በከፍተኛ ዋጋ እየሸጡ መሆኑ ታውቋል። በአንዳንድ ቦታዎች የነዳጅ ዋጋ በመደበኛ ገበያ ከሚገኘው ዋጋ በላይ መሆኑ ታይቷል።
ዜጎች በተለይ የህዝብ ትራንስፖርትና የንግድ እንቅስቃሴ ላይ ተጨማሪ ጫና እየፈጠረ መሆኑን እየገለጹ ሲሆን፣ ችግሩን ለመፍታት ተገቢ ቁጥጥር እንዲደረግ ጠይቀዋል።
ባለሙያዎች በበኩላቸው የነዳጅ ስርጭትን በተደራጀ መንገድ ማስተካከል፣ ሕገወጥ ግብይትን ለመከላከል ጠንካራ ቁጥጥር ማድረግና የትራንስፖርት መስመሮችን ማሻሻል አስፈላጊ መሆኑን ገልጸዋል። ከልዩ ልዩ የሀገሪቱ አካባቢዎች የተገኙ መረጃዎችም የነዳጅ አቅርቦትና ዋጋ ከክልል ክልል የሚለያይ መሆኑን ያመለክታሉ።
ምንጭ:- ዋዜማ ሚዲያ
