ከይር ቮክስ አፍሪካ

የቅርብ ጊዜ ዜናዎች : ኡጋንዳ ከዚህ በሁዋላ ከኢትዮጵያ ፣ ከኤርትራ እና ከሶማሊያ ስደተኞችን አልቀበልም አለች | የህፃኑ ገዳይ በሞት እንዲቀጣ ተወሰነ | ጊኒ ቢሳው ስኬታማ ወታደራዊ መፈንቅለ መንግስት ተካሄደ | ኢትዮጵያ በከፍተኛ ሳይበር ጥቃት ተጋርጦባታል፣ የ ‘ሿሿ’ ወንጀለኞች ተቀጡ፣ አሐዱ ባንክ 502.1 ሚሊዮን ብር ትርፍ አስመዝግቧል፣ | ድርጅቱ የ6.5 ቢሊዮን ብር ካሳ ከፈለ:: ኢትዮጵያ ከሞሮኮ ጋር የትብብር ስምምነት ፈረመች::
ዜና የሀገር ውስጥ

በኢትዮጵያ ንግድ ባንክ እና በዋቸሞ ዩኒቨርሲቲ መካከል ሠራተኞችን የሲቢኢ በእጄ (CBE Beje) የብድርና ቁጠባ አገልግሎት ተጠቃሚ የሚያደርግ ስምምነት ተደረገ።

on | 2025-11-25 08:43:51

Share: Facebook | Twitter | Whatsapp | Linkedin

በኢትዮጵያ ንግድ ባንክ እና በዋቸሞ ዩኒቨርሲቲ መካከል ሠራተኞችን የሲቢኢ በእጄ (CBE Beje) የብድርና ቁጠባ አገልግሎት ተጠቃሚ የሚያደርግ ስምምነት ተደረገ።

የኢትዮጵያ ንግድ ባንክ  የሆሳዕና ዲስትሪክት ዳይሬክተር አቶ ምስጋና ለጌታ ግርማ እና የዋቸሞ ዩኒቨርሲቲ ፕሬዚዳንት ዶ/ር ዳዊት ሃዬሶ ስምምነቱን ፈርመዋል። 

ስምምነቱ የዩኒቨርሲቲው ሠራተኞች ደመወዛቸውን በሲቢኢ ብር ሲቀበሉ ወርሃዊ ደመወዛቸዉን ታሳቢ በማድረግ ከአንድ ወር እስከ አንድ ዓመት ተመላሽ የሚደረግ ከ500-150,000 ብር ያለምንም ዋስትና በሲቢኢ ብር ፕላስ መተግበሪያ አማካኝነት ብድር እንዲሁም የቁጠባ አገልግሎት ማግኘት የሚያስችል ነው።

የኢትዮጵያ ንግድ ባንክ የሆሳዕና ዲስትሪክት ዳይሬክተር አቶ ምስጋና ለጌታ ግርማ  እንደተናገሩት፣ ባንኩ ለመንግስታዊ ፕሮጀክቶች በሚያቀርበው ፋይናንስ ለሀገር ኢኮኖሚ ዕድገት የራሱን አስተዋጽኦ እያበረከተ ይገኛል፡፡  አሁን ደግሞ እያንዳንዱን ዜጋ ተጠቃሚ የሚያደርግ ሠራተኞች በቀላሉ በዲጂታል መንገድ ብድር የሚያገኙበትን ሲቢኢ በእጄ /CBE Beje/ አገልግሎት አማራጭ ይዞ  መጥቷል ብለዋል።

የዋቸሞ ዩኒቨርሲቲ ፕሬዚዳንት ዶ/ር ዳዊት ሃዬሶ በበኩላቸው፣ የኢትዮጵያ ንግድ ባንክ ሠራተኞች አነስተኛ ብድር እንዲያገኙ ዕድል በመፍጠሩ አመስግነዋል። ይህ አገልግሎት ለዩኒቨርሲቲው ማኅበረሰብ አነስተኛ ብድር ለማግኘት ምቹ ሁኔታ የሚፈጥር ነው ብለዋል።

በዕለቱ ከዩኒቨርሲቲው ማኔጅመንት አባላት በብድር አወሳሰድና አመላለስ እንዲሁም በሌሎች የአገልግሎት ነክ ጉዳዮች ላይ ጥያቄና አስተያየት ቀርቦ በባንኩ ሠራተኞች ምላሽና ማብራሪያ ተሰጥቷል።

ፈልግ
የቅርብ ጊዜ
በብዛት የታዩ
አስተያየትዎን ይተው

ከይር ቮክስ አፍሪካ

ህግ

አድራሻ

ምድብ

ይመዝገቡ

በቀጥታ ወደ ኢሜልዎ የተላኩ ዕለታዊ የዜና ዝመናዎችን ይቀበሉ።