ከይር ቮክስ አፍሪካ

የቅርብ ጊዜ ዜናዎች : ኡጋንዳ ከዚህ በሁዋላ ከኢትዮጵያ ፣ ከኤርትራ እና ከሶማሊያ ስደተኞችን አልቀበልም አለች | የህፃኑ ገዳይ በሞት እንዲቀጣ ተወሰነ | ጊኒ ቢሳው ስኬታማ ወታደራዊ መፈንቅለ መንግስት ተካሄደ | ኢትዮጵያ በከፍተኛ ሳይበር ጥቃት ተጋርጦባታል፣ የ ‘ሿሿ’ ወንጀለኞች ተቀጡ፣ አሐዱ ባንክ 502.1 ሚሊዮን ብር ትርፍ አስመዝግቧል፣ | ድርጅቱ የ6.5 ቢሊዮን ብር ካሳ ከፈለ:: ኢትዮጵያ ከሞሮኮ ጋር የትብብር ስምምነት ፈረመች::
ዜና የሀገር ውስጥ

አዋሽ ባንክ 25.6 ቢሊዮን ብር ትርፍ ማስመዝገቡንና ጠቅላላ የሃብት መጠኑ ከ442 ቢሊየን ብር በላይ መድረሱን አስታወቀ

on | 2025-11-24 08:24:04

Share: Facebook | Twitter | Whatsapp | Linkedin

አዋሽ ባንክ 25.6 ቢሊዮን ብር ትርፍ ማስመዝገቡንና ጠቅላላ የሃብት መጠኑ ከ442 ቢሊየን ብር በላይ መድረሱን አስታወቀ

አዲስ አበባ - አዋሽ ባንክ በ2017 የበጀት ዓመት በግል ባንክ ታሪክ ከፍተኛ የተባለውን 25.6 ቢሊዮን ብር ያልተጣራ ትርፍ ማስመዝገቡን እና አጠቃላይ የሃብት መጠኑም 442.6 ቢሊዮን ብር መድረሱን ይፋ አድርጓል።

ባንኩ ይህን ያስታወቀው ቅዳሜ ዕለት ባካሄደው የባለአክስዮኖች 30ኛ ዓመታዊ መደበኛ ጉባኤ እና 18ኛ አስቸኳይ ጠቅላላ ጉባኤ ላይ ነው።

በጉባኤው የአዋሽ ባንክ ዋና ስራ አስፈፃሚ ፀሐይ ሽፈራው እንዳሉት፣ ባንኩ በሂሳብ ዓመቱ 25 ነጥብ 67 ቢሊየን ብር ያልተጣራ ትርፍ አስመዝግቧል። ይህም ካለፈው ዓመት ጋር ሲነፃፀር 137 በመቶ እድገት ማሳየቱንና ከፍተኛ ትርፍ መሆኑን መግለጻቸውን ኤፍ ኤም ሲ ዘግቧል

በተጨማሪም የባንኩ ጠቅላላ ተቀማጭ 358 ነጥብ 5 ቢሊየን ብር መሆኑን ገልጸው ካለፈው ተመሳሳይ ወቅት ጋር ሲነፃፀር 125 ነጥብ 9 ቢሊየን እድገት ማሳየቱን ጠቁመዋል።

ዋና ስራ አስፈፃሚው ባንኩ በሂሳብ ዓመቱ ከ2 ቢሊየን የአሜሪካ ዶላር በላይ የውጭ ምንዛሪ ማግኘት መቻሉንና የተሰጠ የብድር ክምችትም 20 በመቶ እድገት ማስመዝገቡንም ተናግረዋል።

የባንኩ የተከፈለ ካፒታል 27 ነጥብ 9 ቢሊየን ብር ደርሷል ያሉት ዋና ስራ አስፈፃሚው፤ ይህም ብሄራዊ ባንክ ነባር ባንኮች በአምስት ዓመት ጊዜ ውስጥ ሊደርሱበት ይገባል ብሎ ካስቀመጠው የካፒታል መጠን የሚበልጥ መሆኑን አስረድተዋል።

ባንኩ ማህበራዊ ኃላፊነቱን በመወጣት ረገድ 600 ሚሊየን ብር ድጋፍ አድርጓልም ነው ያሉት።

አዋሽ ባንክ ከ15 ሚሊየን በላይ ደንበኞች ማፍራቱ እና የቅርንጫፎቹን ቁጥር 989 መድረሱ ተመላክቷል።

ፈልግ
የቅርብ ጊዜ
በብዛት የታዩ
አስተያየትዎን ይተው

ከይር ቮክስ አፍሪካ

ህግ

አድራሻ

ምድብ

ይመዝገቡ

በቀጥታ ወደ ኢሜልዎ የተላኩ ዕለታዊ የዜና ዝመናዎችን ይቀበሉ።