ከይር ቮክስ አፍሪካ

የቅርብ ጊዜ ዜናዎች : ኡጋንዳ ከዚህ በሁዋላ ከኢትዮጵያ ፣ ከኤርትራ እና ከሶማሊያ ስደተኞችን አልቀበልም አለች | የህፃኑ ገዳይ በሞት እንዲቀጣ ተወሰነ | ጊኒ ቢሳው ስኬታማ ወታደራዊ መፈንቅለ መንግስት ተካሄደ | ኢትዮጵያ በከፍተኛ ሳይበር ጥቃት ተጋርጦባታል፣ የ ‘ሿሿ’ ወንጀለኞች ተቀጡ፣ አሐዱ ባንክ 502.1 ሚሊዮን ብር ትርፍ አስመዝግቧል፣ | ድርጅቱ የ6.5 ቢሊዮን ብር ካሳ ከፈለ:: ኢትዮጵያ ከሞሮኮ ጋር የትብብር ስምምነት ፈረመች::
ዜና የሀገር ውስጥ

የአማራ ክልል መንግስት ሙስሊም ተማሪዎችን በግዳጅ ግዕዝ ቋንቋ እንዲማሩ ውሳኔ ማሳለፉ በፍጹም ተቀባይነት የለውም ሲል የኢትዮጵያ እስልምና ጉዳዮች ጠቅላይ ም/ቤት አቋሙን ገለፀ

on | 2025-11-18 18:10:33 on2025-12-01 00:20:20

Share: Facebook | Twitter | Whatsapp | Linkedin

የአማራ ክልል መንግስት ሙስሊም ተማሪዎችን በግዳጅ ግዕዝ ቋንቋ እንዲማሩ ውሳኔ ማሳለፉ በፍጹም ተቀባይነት የለውም ሲል የኢትዮጵያ እስልምና ጉዳዮች ጠቅላይ ም/ቤት አቋሙን ገለፀ

አዲስ አበባ:- የኢትዮጵያ እስልምና ጉዳዮች ጠቅላይ ምክር ቤት፣ ምክር ቤቱ የአማራ ክልል ትምህርት ቢሮ ከሙስሊሙ መሪ ተቋም ጋር ሳይወያይ፣ ሙስሊም ተማሪዎች በግዳጅ ግዕዝ ቋንቋ እንዲማሩ ውሳኔ ማሳለፉ በፍጹም ተቀባይነት የለውም ሲል ዛሬ ባወጣው መግለጫ አቋሙን ገልጧል።

ምክር ቤቱ፣ የክልሉ ትምህርት ቢሮ በውሳኔው ላይ የእርምት እርምጃ እንዲወስድ ጠይቋል።

የትምህርት ቢሮው ውሳኔ የሙስሊሙን ማኅበረሰብ እና የሙስሊሙን ተቋማት ባገለለ መልኩ የተተላለፈ ነው ያለው ምክር ቤቱ፣ ውሳኔው ክልሉ የገጠሙትን ውስብስብ ችግሮች ይበለጥ ያወሳስባል በማለት አስጠንቅቋል።

ምክር ቤቱ፣ በትግራይ ክልል የሚገኙ አንዳንድ ትምህርት ቤቶች ሙስሊም ተማሪዎችን በኢስላማዊ አለባበሳቸው ምክንያት ከሁለት ዓመታት በላይ ከትምህርት ገበታ ሲያግዱ፣ ትምህርት ሚንስቴር ተማሪዎቹ ወደ ትምህርታቸው እንዲመለሱ ምንም ዓይነት ጥረት አላደረገም በማለትም ወቅሷል።

ኢስላማዊ አልባሳትን ለብሶ መማር ሕገመንግስታዊና ኃይማኖታዊ መብት መሆኑን ምክር ቤቱ በመግለጽም፣ ትምህርት ሚንስቴርና አንዳንድ የትምህርት ተቋማት ሙስሊሞችን በኢስላማዊ አለባበሳቸው ሳቢያ ከትምህርት የማፈናቀል ድርጊቶችን ባስቸኳይ ሊያቆሙ ይገባል ብሏል።

ለእነዚህ ችግሮች ዘላቂ መፍትሄ የሚያፈላልግ ኮሚቴ ማቃቋሙንም ምክር ቤቱ አስታውቋል።

ፈልግ
የቅርብ ጊዜ
በብዛት የታዩ
አስተያየትዎን ይተው

ከይር ቮክስ አፍሪካ

ህግ

አድራሻ

ምድብ

ይመዝገቡ

በቀጥታ ወደ ኢሜልዎ የተላኩ ዕለታዊ የዜና ዝመናዎችን ይቀበሉ።