ፖለቲካ ፓርቲ

የቀድሞው የህወሓት ምክትል ሊቀመንበር ጌታቸው ረዳ ስምረት፣ ክልላዊ ፓርቲ ሆኖ እንዲመዘገብ ለምርጫ ቦርድ ጥያቄ አቀረቡ።

on | 2025-11-08 20:21:15

Share: Facebook | Twitter | Whatsapp | Linkedin

የቀድሞው የህወሓት ምክትል ሊቀመንበር ጌታቸው ረዳ ስምረት፣ ክልላዊ ፓርቲ ሆኖ እንዲመዘገብ ለምርጫ ቦርድ ጥያቄ አቀረቡ።

በአስር ቀናት ልዩነት ውስጥ ማህበራዊ መሠረታቸው ትግራይ የሆኑ ሁለት ፓርቲዎች የምዝገባ ጥያቄ አቅርበዋል።

ሁለት ማህበራዊ መሠረታቸውን ትግራይ ያደረጉ ፓርቲዎች የምዝገባ ጥያቄ ማቅረባቸውን የኢትዮጵያ ብሔራዊ ምርጫ ቦርድ ያወጣቸው ይፋዊ ማስታወቂያዎች ያመላክታሉ።

ቀዳሚው የቀድሞው የህዝባዊ ወያነ ሓርነት ትግራይ (ህወሓት) ምክትል ሊቀመንበር ጌታቸው ረዳ የሚገኙበት “ዴሞክራሲያዊ ስምረት ትግራይ (ስምረት) ” ፓርቲ ነው።

ምርጫ ቦርድ ዛሬ ማለዳ ባወጣው ይፋዊ የማስታወቂያ ጥሪ ጌታቸው ረዳ ካሕሳይ በተጠቀሰው ስያሜ ክልላዊ የፖለቲካ ፓርቲ የምዝገባ ጥያቄ ማቅረባቸው ተመላክቷል።

ቦርዱ በማስታወቂያው ከዛሬ ከጥቅምት 29 ቀን 2018 ዓ.ም ጀምሮ በ14 ቀናት ውስጥ በአዋጅ ቁጥር 1162/2011 አንቀጽ 68 ንዑስ አንቀጽ 2 እና 3 መሠረት በፓርቲው ስም፣ ዐርማ ወይም ሌሎች ጉዳዮች ተቃውሞ ያለው ሰው፤ ተቃውሞውን ለቦርዱ ጽሕፈት ቤት እንዲያቀርብ ጥሪ አስተላልፏል።

ከስምረት አስቀድሞ ደግሞ ጥቅምት 18 ቀን 2018 ዓ.ም ጉዕሽ ግደይ “ውድብ ወለዶ ትግራይ (ወለዶ) ” በሚል ስያሜ ክልላዊ የፖለቲካ ፓርቲ የምዝገባ ጥያቄ አቅርበዋል።

ጉዕሽም ለቦርዱ ባቀረቡት የምዝገባ ጥያቄ በፓርቲው ስም፣ ዐርማ ወይም ሌሎች ጉዳዮች ተቃውሞ ያለው ሰው፤ ማስታወቂያ ከወጣበት ከጥቅምት 18 ቀን 2018 ዓ.ም. ጀምሮ ባሉት 14 ቀናት ውስጥ ተቃውሞውን ለቦርዱ ጽሕፈት ቤት እንዲያቀርብ ቦርዱ አሳውቋል።

ጌታቸው ረዳ የሚገኙበት ስምረት ፓርቲ ማህበራዊ መሠረቱ ትግራይ ቢሆንም የመስራች ጉባኤውን ያካሄደው አዲስ አበባ መሆኑ ይታወቃል።

ከይር ቮክስ አፍሪካ

የቀድሞው የህወሓት ምክትል ሊቀመንበር ጌታቸው ረዳ ስምረት፣ ክልላዊ ፓርቲ ሆኖ እንዲመዘገብ ለምርጫ ቦርድ ጥያቄ አቀረቡ።

ፈልግ

የቅርብ ጊዜ

በብዛት የታዩ

አስተያየትዎን ይተው

ከይር ቮክስ አፍሪካ

ህግ

አድራሻ

ምድብ

ይመዝገቡ