ኢትዮ ቴሌኮም በግማሽ ዓመት 85 ቢሊዮን ብር ገቢ አስመዘገበ
on | 2026-01-29 18:39:20
Share: Facebook | Twitter | Whatsapp | Linkedin
አዲስ አበባ - ኢትዮ ቴሌኮም የ2018 በጀት ዓመት የመጀመሪያ ስድስት ወራት የሥራ አፈጻጸሙን ይፋ በማድረግ፣ በዚህ ወቅት 85 ቢሊዮን ብር ገቢ መመዝገቡን አስታውቋል።
የኩባንያው ዋና ሥራ አስፈጻሚ ፍሬሕይወት ታምሩ እንዳሉት፣ ኢትዮ ቴሌኮም በገቢ፣ በደንበኞች ቁጥር እና በዲጂታል አገልግሎቶች ዘርፍ ጉልህ እድገት አሳይቷል።
በመግለጫው መሠረት፣ አጠቃላይ የቴሌኮም ተጠቃሚዎች ቁጥር 87.1 ሚሊዮን ደርሶ፣ ካለፈው ዓመት ተመሳሳይ ወቅት ጋር ሲነጻጸር የ8.2 በመቶ እድገት አስመዝግቧል።
በተጨማሪም፣ የቴሌብር ደንበኞች ቁጥር 58.6 ሚሊዮን ሲደርስ፣ በግማሽ ዓመቱ ብቻ 1.9 ትሪሊዮን ብር የገንዘብ ንቅናቄ መፈጸሙ ተገልጿል።
ኩባንያው ለቀጣይ ሦስት ዓመታት የሚተገበር ስትራቴጂ በመቅረጽ፣ የ“ዲጂታል ኢትዮጵያ” ራዕይን ለማሳካት በቁርጠኝነት እየሰራ መሆኑን አረጋግጧል።
ይህ ውጤት ኢትዮ ቴሌኮም የጀመረውን የዲጂታል ትራንስፎርሜሽን ጉዞ እንደሚያፋጥን ተገልጿል።
