የጀርመን የፌዴራል ዐቃቤ ሕግ በስደተኞች ላይ የኃይል ጥቃት አሲረዋል ባላቸው በ7 የቀኝ አክራሪ ጽንፈኛ ቡድን አባላት እና በአንድ ደጋፊያቸው ላይ ክስ መሠረተ።
on | 2025-12-18 15:27:11
Share: Facebook | Twitter | Whatsapp | Linkedin
መቀመጫውን በደቡብ ምዕራባዊቷ የጀርመን ከተማ ካርልስሩኸ ያደረገው ዐቃቤ ሕግ ተጠርጣሪዎቹን በሀገር ውስጥ የአሸባሪ ድርጅት አባልነት፣ የግድያ ሙከራ፣ ግድያ ለመፈጸም በማሴር እና ከባድ የአካል ጉዳትን ጨምሮ በተለያዩ የወንጀል ክሶች መመስረቱን አስታውቋል።
በርከት ያለ ክስ ከቀረበባቸው እነዚሁ የቀኝ ጽንፈኛ ቡድን አባላት ውስጥ አንዳንዶቹ በአስራዎቹ የዕድሜ ክልል ውስጥ እንደሚገኙ አቃቤ ሕግ ገልጿል።
የጀርመን ፖሊስ የቀኝ አክራሪ ጽንፈኛ ቡድን አባላትን በቁጥጥር ስር ለማዋል ካለፈው ዓመት የግንቦት ወር ጀምሮ ዘመቻ መክፈቱን የጀርመን ዜና አገልግሎት ዘገባ ያመለክታል።
ከዚያ ጊዜ አንስቶ የሀገሪቱ ፖሊስ በተለያዩ ክልሎች የሚንቀሳቀሰው እና ራሱን «የመጨረሻው የመከላከያ ማዕበል » ብሎ የሚጠራው ይኸው የቀኝ አክራሪ ጽንፈኛ ቡድን ላይ ያነጣጠረ ዘመቻ ሲያካሄድ ቆይቷል።
የሀገሪቱ ዐቃቤ ሕግ እንደሚለው ቡድኑ ራሱን እንደ «የጀርመን ሀገር አዳኝ» ሲቆጥር ፤ ዓላማውም የሀገሪቱን ዴሞክራሲያዊ ሥረዓት በኃይል ማፍረስ እና በዋነኛነት ደግሞ በስደተኞች እና የፖለቲካ ተቃዋሚዎች ላይ ጥቃት ማድረስ ነው ።
ፖሊስ ባለፈው የግንቦት ወር በከፈተው ዘመቻ በቁጥጥር ስር ያዋላቸው ሁሉም ከ14 እስከ 21 ዓመት የሆኑ ታዳጊዎች እና ወጣቶች ሲሆኑ እስከ አሁንም ድረስ በእስር ላይ መቆየታቸውን ዘገባው አመልክቷል።
ፈልግ
የቅርብ ጊዜ
-
በወላይታ ብሔር ዘንድ ልዩ ቦታ የሚሰጠው "ጊፋታ”
-
ኮሚሽኑ በተባበሩት ዐረብ ኤምሬቶች ከሚገኙ ኢትዮጵያውያን እና ትውልደ ኢትዮጵያዊያን አጀንዳ ተረከበ
-
በቶኪዮ የወርቅ መርገም አልሰበር ያላት ኢትዮጲያ
-
“በየትኛውም የክፍል ደረጃ 50 በመቶና በላይ አማካይ ውጤት ያላመጣ ተማሪ ወደ ቀጣዩ ክፍል ወይም እርከን አይዛወርም።“ - ትምህርት ሚኒስቴር
-
በእሁዱ የፍፃሜ ጨዋታ ህንድ ፓክስታንን ብታሸንፍም ዋንጫውን አልቀበልም ብላለች
-
በኢትዮጵያ ንግድ ባንክ ፕሬዝዳንት አቤ ሳኖ የተመራ የልዑካን ቡድን ደቡብ አፍሪካ ዋና ከተማ ፕሪቶሪያ ገባ
-
300 ነጥብ የነበረው የየኒቨርሲቲ መግቢያ ወደ 297 ተጠጋጋ
-
ኢትዮጵያ ከውጭ ሀገራት ወደ ኢትዮጵያ ከሚላክ ገንዘብ (ሬሚታንስ) 7 ነጥብ 2 ቢሊየን የአሜሪካን ዶላር ማግኘቷ ተነገረ